श्री गणेशदत्तगुरूभ्यो नम :
श्रीरामगुरू चरित्र
॥ अध्याय 23 वा ॥
॥ श्रीगणेशाय नम : ॥ श्रीसरस्वत्यै नम : ॥ श्रीगुरूभ्यो नम : ॥ जय जय श्री सद्गुरूनाथा। जगचालका विनाथा। वेद पुराणे सर्व श्रुति। वर्णिती श्रीगुरूची महती ॥ 1 ॥ गुरूच श्रेष्= सर्व जगी। गुरूविणा नसे मुक्ति। व्यर्थ सारा खटाटोप। ज्ञान पसारा विद्याभ्यास ॥ 2 ॥ गुरू मार्गदर्शनाविण सत्य। मोल नसे त्या जगी। ज्ञानेरीत ज्ञानेदेवे। गुरूचे महात्म्य वर्णियले ॥ 3 ॥ चांगदेवा उध्दरीले। गर्वहरण करूनी। पटविली त्यास गुरूची महती। गर्वहरण केला क्षणांती ॥ 4 ॥ भिंतीस चालविले जगति। गुरूकृपेची ही थोरी। कलियुगी पापमती। जन चालले अधोगती ॥ 5 ॥ याकारणे गुप्तरिती । अवतार घेती दत्त विभुती। जनकल्याणा नित्यचि झटति। ओळख न पटे कवणाशी ॥ 6 ॥ गुरूकार्याचा सकळ वृत्तान्त। परिसा श्रोते सावचित्त। रामचंद्र सदनी नित्य। जनसेवा अखंडीत ॥ 7 ॥ गुप्त उपासना सत्य। जगदोध्दार चालला। मागील अध्यायी श्रोते सृजना। केले सद्भक्तानुभव श्रवण ॥ 8 ॥ आणिक भक्तानुभव कथन। या अध्यायी परिसा हो। कैसा घडला वृत्तान्त। परिसावे होवोनिया एकाग्रचित्त ॥ 9 ॥ रामटेक निवासी सद्भक्त। श्रीधर दामले नामांकित। होते शिक्षण व्यवसायात। भाग्योदय त्यांचा साविीसध असे ॥ 10 ॥ तेथे कैसी गुरूशिष्यपरंपरा। गुप्तचि सारा पसारा। रामचंद्र सहवास घडला। बालशिष्य त्या वेळी ॥ 11 ॥ परी ओळख न पटली श्रीधरास। नित्य घडत असे गुरूसहवास। पुढे कैसा परिचय झाला। गुरूशिष्य सहवास वाढला ॥ 12 ॥ स्नेही पुत्र आपत्ती निमित्त। श्रध्दाभाव वाढे सदोदित। आधी होते गुरूशिष्य नाते। तदनंतर शिष्य होती गुरू साचे ॥ 13 ॥ हा आहे अधिकार थोर। पुर्वसुकृत अपरंपार। जाणीव नव्हती गुरूमुर्तिची। माहिती नव्हती अधिकाराची ॥ 14 ॥ परी अनुभवे सहजगती। श्रध्दा जडली गुरूपदी। प्रथम मनाची खळबळ। वृत्ति होत असे चंचळ ॥ 15 ॥ प्रेमभाव अंतरी वाढला। कोणी जवळचा आप्त भेटला। आपत्ती जाती दूर। भय वाटले त्यासी थोर ॥ 16 ॥ हा असे गुरू अधिकार। गुप्तरूप जागृत भूवर। पुढे श्रीधरांचे अंतर्मन। गुरूचरणी झाले लीन ॥ 17 ॥ प्रपंच आपत्ती येता प्रबळ। पत्नी अंतरी खळबळ। धावूनि आले तात्काळ। सद्गुरू राम सदनी ॥ 18 ॥ अभयदान दिधले पत्नीस। विभूती झाली सहाय्यभूत। व्रुच्र शक्ति निघे पळत। सत्ता गुरूंची पाहून ॥19 ॥ पूढे कैसा धडला प्रसंग ऐका। सहकुटुंब प्रवास करिता देख। पुत्रास झपाटी पिशा। ज्वर शरीरी वाढतसे ॥ 20 ॥ परत आले सदनी तात्काळ। गुरू सहाय्य घेतले सबळ। धावूनी आले गुरू सदनी। अनन्य शरण श्रध्देने ॥ 21 ॥ विनवणी केली दत्तगुरूस। स्नेह उपजला चित्तास। स्वर्येच श्रीगुरू त्रैलोयाधीश। पुत्ररक्षणा धावले ॥ 22 ॥ ह्ष्टी पडता त्रयमुर्तिची। पिशा बाधा शीतल झाली। उपाय करिता सद्भावेसी। चिरंजीव पूत्र जहाला ॥ 23 ॥ अनेक येता ऐसे अनुभव। गुरूचरणी जडला भाव। जागृत होउनि अंतरभाव। अनुग्रह व्हावा वाटत असे ॥ 24 ॥ प्रश्न केला एके दिनी। सद्गुरूस श्रीधरांनी। अपराध आमुचे क्षमा करूनी। अनूग्रहीत आम्हा करा हो ॥ 25 ॥ काय वदती सद्गुरूनाथ। योग्य समय येता त्वरीत। भगवान दत्तात्रय सद्गुरूनाथ। आज्ञा आम्हा देतील ॥ 26 ॥ यासी लोटता काहि काळ। श्रीधरांचा भाग्यकाळ। राम वदती तात्काळ। अनुग्रह घेण्या योग्य तुम्ही ॥27 ॥ अनुग्रहीत होता श्रीधर। आनंदीत झाले अंतर। भय चिंता पळाली दुर। दत्त कृपा होता थोर ॥28 ॥ याचे कसे प्रत्यंतर। श्रीधरास आले थोर। एक अघोरी शक्ति। श्रीधराचे लागली पाठठ्ठ ॥ 29 ॥ त्या शक्तिप्रभावाने। रक्त उलटी होई जोराने। जर्जर झाले शरीर। चितांक्रांत कुटुंब सारे ॥ 30 ॥ उभयतांचा श्रध्दाभाव। दत्तगुरूचरणी अढळ। धावुनि आले तत्काळ। सद्गुरू राम सदनी ॥ 31 ॥ त्रिकालज्ञ त्रयमुर्ति। भक्तरक्षणार्थ जगति। सहाय्यभूत झाली विभूती। प्राण वाचले श्रीधराचे ॥ 32 ॥ एैसे गुरूकृपेचे महिमान। कळीकाळाचे भय जाणा। रक्षण करिती सद्गुरूराणा। निजभक्ता नित्यचि ॥33 ॥ दामले कुटूंब सुखी सदनी। दत्तगुरू आशिर्वचनी। प्रपंच आपत्ती जाती पळूनी। गुरूकृपा प्रसादे ॥ 34 ॥ पापग्रस्त कलियुगी। पुण्यवाना तारण जगी। गुप्तरूपे राहूनि योगी। मार्गदर्शन भक्तांशी ॥ 35 ॥ हे आहे कलियुग। अधर्म नितीभ्रष्ट। पाप करण्या प्रवृत्त। जनलोकी कल असे ॥ 36 ॥ परि भविकजन अजुनहि। आहेत जगी नरदेही। त्या मार्गदर्शन लवलाही। सद्गुरू करिती स्वयेंचि ॥ 37 ॥ श्रीराम सद्गुरूनाथ। भक्तासांभाळीत नित्य। याची प्रचिती मानवास। सदोदित येते असे ॥ 38 ॥ परि मानवी जीवनाची निती। मायेचा पगडा त्यावरती। अधर्मे वर्तती सदाचि। दूषण लाविती समर्थास ॥ 39 ॥ समर्थाचे सामर्थ्य। कोणी वर्णावे सत्य। त्या अवताराचे महत्व। थोर अनुभवीच जाणती ॥ 40 ॥ इति श्रीरामगुरूचरित्र। परिसा रसाळ इक्षुदंड। विनवी दासी अखंड। त्रयोविंशततमोध्याय: गोड हा ॥ 41 ॥
॥श्रीगुरूदत्तात्रेयार्पणमस्तु ॥
॥अ व धू त चिं त न श्री गु रू दे व द त्त ॥
मागील पान पुढील पान |